普通記事

聖誕&聖誕後

• 平安夜通頂後之後力氣用盡,足足訓左廿個鐘左右, 聖誕既大部份時間就係響夢中渡過。訓醒起身望見姨媽姑姐大軍掩至心知不妙, 結果響無街去既情況下就咁將一個咁浪漫(suppose係, 雖然每年turn out出黎既結果都唔係)既節日用黎陪d小朋友打機+無無聊聊咁icq
• boxing day更加係一絕 --- 同班麻甩仔去左打波, 無$無女無又無聊既人既最佳活動, 美其名就係重拾昔日籃球場上既鬥心同熱血, 講得實在d即係一種旨在幾個伴去發洩一下多餘精力既time killing 活動。睇見籃球場上竟然都有鴛鴦燕侶比翼相飛當堂覺得無癮, 直接嚴重影響當日既發揮。晚上返到去照例係腰酸背痛, 狂訓。
• 27號紅假出席kcus踢波, 早左半粒鐘去同eddie射/守門, 照例係互串一番鬥口臭。如斯情況一直持續到鬥完波後既射/守門, 激到正同eddie一齊"扮"波省人唔駛本, 結果整次踢波就響俾人惡意省波餅之下渡過。(致各kcus隊友:你地省我唔係問題, 不過提高你地既準繩度先,我只會企係白線前,所以你地"扮"個波去條柱/橫楣/柱外/陳樹渠學校度係唔會"扮"到我架, 只會徙然浪費氣力而已)
• 得兩隊小朋友可以鬥波, 響對手平均年齡都唔知夠唔夠16 (扣左果位30-40既鬼佬我諗唔夠12)既情況下只會係門將受難, 足足踢足咁多場都係執下波開下波, 悶到想響龍門前訓陣。其實都有好多驚險鏡頭有機會可以轉化為入波,不過又負負碌碌咁俾d柱/橫楣檔左 --- 我成日都話一流既門將係可以善用柱/橫楣架啦! 咩話?呢d叫負碌? 唔好忘記小吉既金句:運氣都係實力既一種,正所謂人善人欺天不欺, 哈哈!

posted by 老鏘 @ 11:12 上午