普通記事

開學!!

• 望穿秋水終於開左學,不過e然係火滾, 重要原因仍然係reg科 --- 千思萬想左好耐既許寶竟然將科modern chinese thought 俾左人教! 仲要係我人手reg完先知! 我起初見係佢, 就連寶貴既星期六朝早都括左出去! 你條哨牙仔咁大支野唔教?!你點對得我住呀你?! 結果drop左許寶果科之後又唔夠credits, reg左個chi course, 左調右執, 成個timetable搞到劈屎咁 --- mon 8.30 上到 7.30, 不過得三堂咁大把, 中間隔左2 hrs & 3 hrs; tur + thr 就專登番去上聰頭一堂咁大把; fri 8.30上到 5.30, 隔左5 hrs 既 break.......
• chi 個 現代文學好似幾ok(tutorial only), 雖然個lecturer俾我既印象似番part-time多過教書, 而且tutorial得我一個cultural 人孤苦伶仃, 考試又無open book之類之類...不過對呢科都ok有期望 --- 唔知可唔可以同順馨果科黎個一雞兩味呢?
• 去annuel dinner, 估唔到大部份人都咁投入+落本 --- 當中不得不提eddie既迫爆shrit + 現"袋"褲, 簡直係毫無對手! 可惜無使出其震波絕技震爆件衫, 否則氣氛會更high!
• annuel dinner中左個大獎,呵呵! 呢次都真係老襯當旺喇, 我不嬲都無咩抽獎運+嘛! 不過可惜屋企唔係好用得著, 如果有住hall既朋友用得著就即管開聲啦!
• 天氣一凍就自然會大食好多, 呢樣野都好平常年年都係咁本來都唔打算寫...不過一日可以食六七餐, 平均每餐之後2-3hrs會餓到"咕"一聲(而且都ok大聲)叫出黎, 晚晚四五碗飯之後仲可以宵夜食兩個公仔麵之類既異常情況keep住出現, 開始懷疑自己有左bb或者生蟲, 不過一黎個肚無大過二黎又無瘦過就應該唔係有左身紀or生蟲啦, 究竟發生咩事?
• 有d野...一但定左型就好難改...唔好咁落去喇...我真係會內疚...唔係我覺得你唔夠好, 亦唔係因為其他人, 只係單純因為我唔慣要去改變對一個人既態度...唔好再咁落去喇, 咁對你好唔公平, ok?

posted by 老鏘 @ 11:37 下午