普通記事

無題

• 第二次選舉完晒, 可謂鬆左一口氣; ok滿意整個選舉過程, workload唔重之餘又無咩亂子; 唯一唔滿意係大拿拿俾itsc罰左舊半同埋唱票壞咪瘀爆
• 因為選舉同d year1接觸多左少少, 見親班新莊都係細聲講大聲笑, 懷疑自己做左人地笑柄。不過又諗唔出佢地笑d咩, 惟有唔理; 知道係咩一回事既人請唔好話俾我知, 有時咩都唔知道係一種幸福
• 開始覺得自己唔belongs to 溝草既一份子 --- 發覺自己無左一種圈子意識, 即係不斷咁游走於溝草內兩個圈子(個人劃分)既外圍, 實際上並不屬於任何之一。對於兩個圈子(個人劃分)都缺乏歸屬感或者同伴意識; 而系內類似既例子, 自感除左自己之外就別無他人, 自然又不成一個新圈子。究竟係事實真係咁, 定係自己自我意識過強先至有咁既錯覺?
• 有曰:「天才總是孤獨的!」, 對曰:「誠, 白痴亦然, 何獨之所謂天才?」
• 再次愛上阿星咖哩, 心情唔好時有助發洩, 實為家居必備之良品
• 近期狂食阿星咖哩有d靈感, 想落筆寫小說, 希望唔好又難尾
• devil may cry 3 好難玩, 不過ok正, 算係近期必玩作之一
• 放假果陣以為開左學會多d野寫, 事實已經證明這只不過係一個錯覺 --- 原來無論係放緊假定係返緊學, 我都係咁hea, 生活都係無咩特別值得一寫。望下人地d日記試圖去分析下點解人地可以咁多野寫而自己唔得 --- 發現一般日記都不外乎有兩種內容: 一係記事性, 一係渲洩性。記事性者即生活記錄, 不外乎行街打波睇戲食飯之類, 此類內容要好睇則務求五時花六時變, 生活有律而缺消費且孤僻如我者不宜寫之, 免得日記變成reading既閱讀報告或presentation經驗莊務報告悶人悶己; 渲洩性者即寫內心世界找尋知心, 內容不外乎人生起跌溝人被溝英雄有志之類, 此類內容要好睇則務求內心世界要有起有伏有悲有喜有高潮低潮, 生活得過且過木獨唔用腦如我者實不宜寫之, 免得日記流於不倫不類孤芳自賞。於網路上寫字者, 不外乎為左俾人睇; 要俾人睇者, 自然要好睇; 經過上述驗證, 本日記可惜不入流之至, 證明老鏘於網路寫日記實為硬膠多餘之舉也。不過, 知錯唔等於要改乃老鏘行事作風, 因此暫定keep住先

posted by 老鏘 @ 2:44 下午