不孝子大戰老媽子
媽(手指阿仔正在洗緊既桂花魚):「嘩!仔呀仔! 你整條死魚俾阿媽做餸呀?」仔(吃驚貌):「條魚唔死點食呀?你估你係熊人呀? 響河度彈下彈下就咁捉起就食?」
媽(無個仔咁好氣):「咁煮之前條魚要係生既先好食加嘛」
仔(更吃驚貌):「下?! 咁即係唔駛劏條魚, 就咁彈下彈下蒸左佢呀?」
媽(開細火):「咁佢劏之前﹑買果陣都要係生丫嘛 --- 唔通俾$人地買條死魚番黎好咩?」
仔(仍在洗魚):「但係我同你買餸, 見親你去魚檔果陣, 人地都係俾條死左既魚你喎」
媽:「咁我叫佢劏左先好俾我丫嘛, 劏完緊係死啦, 我劏左你你會唔會死丫?」
仔(切蔥):「會呀」
媽:「咪係囉! 你咁大個人比人劏左都會死啦, 更何況佢只係一條小小既桂花魚?」
仔(手持已洗好既桂花魚):「係喎, 呢條小小既桂花魚如你所言, e+真係死左喇喎」
媽(自豪):「緊係, 我係你阿媽喎, 梗係我0岩格!」
(老媽子轉頭走出飯廳, 但突然返轉頭)...................................
媽:「係喎, 條魚死架喎 --- 你整條死魚俾阿媽食呀仔?」
仔:「..............」
p.s.
以上內容經過改篇加料 --- 事實係個仔講完「你估你係熊人呀」之後已經俾人剷左上天花板
呢個故事既教訓係做仔既千祈唔好串阿媽 --- 一係俾人剷上天花板, 一係會陷入無間地獄, 重複又重複
posted by 老鏘 @ 11:49 下午
0 Comments:
張貼意見
<< Home