吓? 哦!
補習社一五年班學生a:「大蘇sir(指老鏗)好過你好多」老鏘(對緊其他學生既功課):「哦」
學生a:「佢唔似得你咁惡, 又成日鬧人」
老鏘(繼續對功課):「哦」
學生a:「佢又無你咁肥」
老鏘(仍然係對緊功課):「哦」
學生a:「讀書又叻過你」
老鏘(睇緊測驗卷):「哦」
學生a:「你做咩係咁'哦'我? 你傻左呀?」
老鏘(仍然係睇緊測驗卷):「哦」
學生a:「可以可以唔好再'哦'?」
老鏘(繼續係睇緊測驗卷):「吓?」
學生a:「我叫你唔好再'哦'呀」
老鏘(仍然係睇緊測驗卷):「吓?」
學生a(無好氣):「你有無第三句呀?」
老鏘(抬頭):「有呀 --- 同我抄左下個禮拜要默果d生字啦!」
(學生a死死氣抄生字)
另一個學生, b:「大蘇sir唔會叫我地抄野, 好過你好多......'哦'丫嘛, 估到你啦!」
老鏘:「唔係呀, 唔哦喇」
學生b:「我下個禮拜無默書無測驗, 哈哈哈」
老鏘:「都唔係呀, 有第四句 --- 返去叫阿媽簽名」
( 隨手攞支筆響學生b本中文書寫上:貴子弟補習時極不專心, 加上學校默書測驗甚少, 專注力訓練不足, 宜多加管教鍛鍊)
其實我適唔適合教書呢?
posted by 老鏘 @ 12:28 上午
0 Comments:
張貼意見
<< Home